Deklaratë e UGSh/ Për pengimet, përdorimet dhe lojërat që bëhen me Radio Televizionin Publik Shqiptar
Nëpërmjet një deklarate Unioni i Gazetarëve Shqiptar (UGSh), ka reaguar lidhur me ato që ai i etiketon si ”pengime, përdorime dhe loj ë ra që bëhen me Radio Televizionin Publik Shqiptar” të mbetur që prej katër muajve pa drejtor të Përgjithshëm dhe në dorë të Martin Lekës, zvendësdrejtorit të pashqitshëm përmbi dhjetë vitesh.
Ja teksti i plotë :
Deklaratë e Unionit të Gazetarëve Shqiptarë
– Për pengimet, përdorimet dhe lojrat që bëhen me Radio Televizionin Publik Shqiptar –
Tiranë 23 shtator 2021
Ka disa muaj që RTSH ka mbetur pa Drejtorin e Përgjithshëm dhe funksionet administrative i kryen zëvendësdrejtori i këtij institucioni. Martin Leka.
Mbarimi i mandatit të zotit Thoma Gëllçi, si drejtor i Përgjithshëm i RTSH, në kushtet normale, do të duhej të bashkëshoqërohej me procedurat paraprake të zgjedhjes së Drejtorit të ri pasardhës.
Arsyet pse kjo procedurë nuk është kryer në kohë mbeten vetëm dijeni e Këshillit Drejtues të RTSH, por periudha e tranzicionit, që vijon në drejtimin e institucionit më të rëndësishëm të medias publike në vend, është kohë e një keqpërdorimi, deformimi dhe përdorimesh.
Ditën e sotme, më 23 shtator 2021, Këshilli Drejtues ka njoftuar mbledhjen e radhës. Ndërkohë që sipas pohimeve të gazetarëve të këtij enti mediatik, zv/drejtori i Përgjithshëm Martin Leka merr guximin t’i propozojë Këshillit Drejtues të RTSH-së: “Ndryshime në strukturën organizative, ndryshime në librin e pagave, etj.
Ditët e fundit pranë UGSH ka pasur disa ankesa dhe denoncime shkeljesh, abuzimesh, dhe përdorimesh të politikave administruese dhe menaxhuese të RTSH-së, një pjesë e të cilave janë publikuar edhe në disa media të vendit.
Propozimet nga drejtuesi në tranzicion i institucionit për ndryshim të strukturës organizative të RTSH-së përbën një nonsens dhe karshillëk ndaj një së drejte morale dhe administruese që duhet të ketë Drejtori i Përgjithshëm i mandatuar sipas ligjit.
Publikimi bashkë me deklaratën tonë i propozimeve të zëvendës-drejtorit Martin Leka për ndryshim strukture dhe librin e pagave janë thjesht një përdorim i pastër, mundësi e qartë për selektime dhe politika favorizuese ndaj individësh dhe kategorish, sipas preferencës individuale apo klienteliste.
UGSH i drejtohet Këshillit Drejtues të RTSH-së dhe posaçërisht kryetarit, zotit Leka Bungo, ta ndalë procedurën e miratimit të vendimeve që ndryshojnë strukturën aktuale organizative të institucionit, të mos i shkaktojë kosto dhe fatura institucionit me lëvizje, shkurtime dhe emërime të cilat do të duhet të përballen me platformën e re të detyrueshme që duhet të sjellë Drejtori i ri i Përgjithshëm.
UGSH shpreh shqetësimin se vonesa e kësaj zgjedhjeje të re është e lidhur më qëllime, preferenca dhe arsye të pastra politike. Për këtë arsye, organizata jonë i tërheq vëmendjen edhe OSBE-së si organizata ndërkombëtare që është e angazhuar prej vitesh me monitorimin dhe garantimin e standarteve të medias publike në Shqipëri, të reagojë pa humbur kohë dhe të monitorojë gjithë marrëdhëniet e brendshme në institucionin e medias publike për të cilin derdhen përvit miliona euro nga taksapaguesi shqiptar.
Në ditët e ardhme, UGSH do të denoncojë shumë fakte dhe dokumenta abuzive që kanë lidhje me administratorët dhe menaxhuesit e RTSH-së.
Ne vërrejmë se ky institucion në periudhat tranzite të zgjedhjes së titullarit të saj shndërrohet në mundësi përfituese për emërime klienteliste, të porositura politikisht dhe me shërbimet e ndryshme brenda tij ka shkelje dhe përfitime që shkaktojnë kosto dhe lenë hapësira për korrupsion.
Zyra e Informimit
Unioni i Gazetarëve Shqiptarë
KËRKESA E ZV. DREJTORIT MARTIN LEKA DREJTUAR KëSHILLIT DREJTUES
Nr. _________ Prot. Tiranë më ____. ____.2021
Lënda: Propozim për miratimin e disa ndryshimeve në Strukturen Organizative te Drejtorise se Pergjithshme te RTSH-së
Drejtuar: KËSHILLIT DREJTUES TË RTSH
Z. Leka BUNGO / KRYETAR
I nderuar Z. Kryetar,
Bazuar në nenin 105, pika 2 të Ligjit nr. 97/2013 “Për median audiovizive në Republikën e Shqipërisë” dhe të nenin 23, pika 4 të Vendimit nr. 98/2016 të Kuvendit të Shqipërisë, datë 22.12.2016 “Për miratimin e Statutit të RTSH”, Drejtoria e Përgjithshme e RTSH-së, i propozon Këshillit Drejtues të miratoj disa ndryshime ne Librin e Pagave te Drejtorisë së Përgjithshme, Drejtorisë së Arkivës, Orkestrës Simfonike dhe Departamentit të Prodhimit, si dhe ne Strukturen Organizative te Drejtorise se Pergjithshme të RTSH-së për vitin 2021, si me poshtë vijon:
NDRYSHIME NE STRUKTUREN ORGANIZATIVE
- Drejtoria e Marredhenieve me Jashte do te bashkohet me Sektorin e Projekteve dhe Administrimit te te Drejtave dhe ndryshon emertesen ne ″Drejtoria e Marredhenieve me Jashte dhe Projektet″ me strukturen e meposhteme:
1. Drejtor Drejtorie
3. Specialist
1. Pergjegjes i Sektorit te Projekteve & Administrimit te te Drejtave
1. Specialist (ekonomist)
1. Specialist (jurist)
- Te shkurtohet vendi i punes ne emertesen “Drejtor i Transmetimeve Lokale”:
- Drejtoria e Burimeve Njerezore do te bashkohet me Drejtorine e Administrates dhe ndryshon emertesen ne ″Drejtoria e Burimeve Njerezore dhe Administrates” me strukturen e meposhteme:
1. Drejtor Drejtorie
3. Specialist
1. Pergjegjes i Sektorit te Administrates
1. Inxhinier (mekanik)
1. Asistente e Drejtorit te Pergjithshem
14.Punetore pastrimi
5. Recepsioniste
5. Teknike (mekanik, elektriçist, murator, kondicionerist, hidraulik)
1. Inspektor i mbrojtjes nga zjarri dhe shpetimit
2. Marangoz
1. Bahçevan
13. Shofer & Shofer ne terren
- Drejtoria e Juridike ristrukturohet duke u bashkuar me Sektorin GIS dhe ndryshon emertesen ne ″Drejtoria Juridike dhe Administrimit te aseteve″ me strukturen e meposhteme:
1 Drejtor Drejtorie
4 Specialist Jurist
1 Pergjegjes Sektori i Regjistrimit dhe Administrimit te Aseteve
1 Specialist
- Drejtoria e Promocionit dhe e Kerkimit te Tregut ristrukturohet, duke perfshire ne strukturen e saj dhe Sektorin e Grafikes, i cili merret nga Departamenti i Prodhimit te RTSH.
Struktura e kesaj drejtorie do te jete si me poshte:
1 Drejtor drejtorie
1 Pergjegjes i sektorit te promocionit
1 Menaxher i promocionit te brandit
1 Menaxher i promocionit te lajmeve & sportit
1 Menaxher i promocionit te emisioneve tematike
1 Menaxher i promocionit te programeve
1 Menaxher per marredheniet me publikun
1 Pergjegjes i kerkimit te tregut
1 Specialist i kerkimit te tregut
1 Specialist i studimit te konkurenteve
1 Kordinator pergjegjes i Grafikes
4 Grafiste te sportit (reklama & transmetimi)
7 Grafist i Programeve
3 Grafist i reklamave te pergjithshme
1 Disanjer 2D
1 Fotograf
Bashkangjitur ketij propozimi do te gjeni dhe Strategjine Promocionale te kesaj Drejtorie.
NDRYSHIME NE LIBRIN E PAGAVE
- Të hiqet nga klasa e XII eLibrit të Pagave të Drejtorisë së Përgjithshme, Drejtorisë së Arkivës, Orkestrës Simfonike dhe Departamentit të Prodhimit, emërtesa ″Drejtor i Transmetimeve Lokale″.
- Të hiqet nga klasa e VI eLibrit të Pagave të Drejtorisë së Përgjithshme, Drejtorisë së Arkivës, Orkestrës Simfonike dhe Departamentit të Prodhimit, emërtesa ″N/Biblioteke″ dhe te shtohet në Klasën e VIII.
- Te shtohet në Klasën e X të Librit të Pagave të Drejtorisë së Përgjithshme, Drejtorisë së Arkivës, Orkestrës Simfonike, Departamentit të Prodhimit emërtesa ″Inxhinier (mekanik)″.
- Të hiqet nga klasa e XII eLibrit të Pagave të Drejtorisë së Përgjithshme, Drejtorisë së Arkivës, Orkestrës Simfonike & Departamentit të Prodhimit, emërtesa“Drejtor i drejtorise se grafikes”.
- Të hiqet nga klasa e XI eLibrit të Pagave të Drejtorisë së Përgjithshme, Drejtorisë së Arkivës, Orkestrës Simfonike & Departamentit të Prodhimit, emërtesa″Përgjegjës i Sektorit te Grafikes se Lajmeve, Sportit, Programeve dhe te Reklamave në Dep. e Prodhimit″
- Të shtohet ne klasen e XI teLibrit të Pagave të Drejtorisë së Përgjithshme, Drejtorisë së Arkivës, Orkestrës Simfonike & Departamentit të Prodhimit, emërtesa“Kordinator pergjegjes ne sektorin e grafikes”.
Numri i vendeve të punës në Strukturën Organizative të Drejtorise se Pergjithshme do te jete 124.
Duke besuar në bashkëpunimin tuaj,
Me respekt,
ZV/DREJTOR I PËRGJITHSHËM I RTSH
Martin LEKA