Shefi i OSBE-së në Kosovë, Michael Davenport, i ka kërkuar Qeverisë së Kosovës të konsultohet me Komisionarin e Gjuhëve në Zyrën e Kryeministrit sa i përket vendosjes së shenjave të komunikacionit në tërë territorin e republikës.

Reagimi i tij vjen pasi Ministria e Infrastrukturës ka marrë një nismë për heqjen e tabelave nëpër rrugët e veriut dhe në gjithë vendin, të cilat janë të shkruara në cirilikë.

Davenport ka thënë se OSBE përkrah Komisionarin e Gjuhëve në Zyrën e Kryeministrin në përcaktimin e respektimit të përputhshmërisë gjuhësore sipas legjislacionit në fuqi.

Sipas tij, hapat për zëvendësimin e tabelave që tregojnë emrat e vendeve në gjuhët zyrtare duhet të pasojë konsultimin me zyrën e Komisionarit të Gjuhëve. /Kosova.info/

We at @OSCEKosovo support the Language Commissioner in the Office of the PM in determining respect for language compliance under applicable legislation. Steps to replace signs showing place names in official languages should follow consultation with his Office.

— Michael Davenport (@DavenportOSCE) March 15, 2024