EKONOMI

VV-ja për krizën në Telekom: Shteti nuk mund të rikapet

Lëvizja Vetëvendosje ka vlerësuar se të njëjtit politikanë që kanë vjedhur e shkatërruar ndërmarrjet publike, tash duan t’i falimentojnë.

VV-ja ka reaguar në lidhje me krizën në Telekom, të cilës ndërmarrje i janë bllokuar xhirollogaritë nga përmbaruesi privat dhe sot i është marrë një pjesë e borxhit.

“Ata që zhvatën, vodhën dhe shkatërruan ndërmarrjet publike po duan edhe t’i falimentojnë ato. Ndërmarrjet që filluan pas 20 vitesh t’i kthehen publikut po tentohet të rikapen sërish dhe me nxitim. Klubi i Stërvjetruar Politik që po e heton fundin tenton të bëjë sa më shumë dëme në ndërmarrjet publike që mezi i kanë shpëtuar politikave të tyre të mbrapshta që u kanë shërbyer vetëm partive të tyre dhe jo qytetarëve. Ndërmarrjet publike duhet të ruhen dhe nuk guxojnë të shkatërrohen. Këta që për vete janë në fund nuk mund të shënojnë fundin e aseteve të shtetit e shoqërisë. Shteti nuk mund të rikapet, qytetarët kanë vendosur”, thuhet në njoftimin e VV-së në Facebook.

Telekomi ka humbur arbitrazhin me ish-operatorin virtual Dardafone.net dhe duhet të paguajë mbi 26 milionë euro.

Leave a Reply

This site uses Akismet to reduce spam. Learn how your comment data is processed.