Kosova

VV: Hoti për marrëveshjen e Washingtonit ka mbrapa vetëm gjysmën e LDK-së dhe Nismën

Arbërie Nagavci nga Lëvizja Vetëvendosje ka thënë se kryeministri i Kosovës, Avdullah Hoti, për marrëveshjen me Serbinë në Washington ka mbështetjen vetëm të gjysmës së partisë së tij, Lidhjes Demokratike të Kosovës, dhe Nismës Socialedemokrate.

Sipas saj, kjo pasi vetëm këto dy palë nuk kanë paraqitur ankesa në marrëveshjen për “normalizim ekonomik”.

Ajo ka përsëritur se deputetë të VV-së kanë ftuar Hotin dhe qeverinë që ai udhëheq në raportim para disa komisioneve parlamentare “për koncesionet që ka bërë me Serbinë”.

Nagavci ka thënë se kërkesa e Hotit që të raportojë në Kuvend ka ardhur pas kërkesave që ka bërë VV-ja. Ajo ka kërkuar që raportimi i Hotit në Kuvend të caktohet në mbledhjen e Kryesisë së Kuvendit, që do të mbahet të hënën e javës që vjen.

Leave a Reply

This site uses Akismet to reduce spam. Learn how your comment data is processed.