Bota

Vriten dy ushtarë amerikanë në Afganistan

Dy pjesëtarë të ushtrisë amerikane janë vrarë në Afganistan, njoftoi aleanca veri-atlantike (NATO).

Ata janë vrarë “gjatë një aksioni” tha misioni i NATO-s.

Emrat e tyre nuk u bën të ditur, derisa të bëhet identifikimi nga anëtarët e familjes, në pajtim me rregullat e Pentagonit.

Deklarata nuk jep detaje se si u vranë ushtarët amerikanë.

Incidenti ndodhë në kohën kur ShBA-ja po negocion me talibanët arritjen e një marrëveshjeje që do t’i jepte fund luftës afro 18-vjeçare afgane.

Shtetet e Bashkuara përfunduan zyrtarisht misionin e saj luftarak në Afganistan në vitin 2014, por rreth 14,000 trupa amerikane mbeten në vend, kryesisht duke trajnuar dhe këshilluar forcat qeveritare që luftojnë me talibanët, mbështetësit e grupit ekstremist Shteti Islamik dhe militantë të tjerë.

Më shumë se 2.400 anëtarë të shërbimit amerikan kanë vdekur në Afganistan, që nga pushtimi i drejtuar nga ShBA-ja më 2001, për të mundur talibanët.