Kombëtare

Viti: Dy të shëruar me COVID-19

Këtë e ka konfirmuar për Kosova.info, kryetari i Komunës së Vitisë, Sokol Haliti.

Ai për Kosova.info ka thënë se, pas kontaktit me infektologun Valbon Krasniqi, ai ka treguar se, të dy të moshuarit nga Stublla e Vitisë kanë rezultuar negativ, plaku 77 vjeçar dhe bashkëshortja e tij 71 vjeçare.

Haliti ka thënë se, “kjo për komunën tonë dhe për gjithë qytetarët e Kosovës është një lajm i mirë, duke falënderuar të gjithë mjeket dhe gjithë ata të cilët ishin me ne në këto momente të vështira, pasi që ishim komuna e parë e prekur nga ky virus, andaj me një bashkëpunim të shkëlqyer dhe respektim teë rregullave sipas institucioneve ndërkombëtare e vendore, ne si komunë nuk kemi pas ndonjë raste tjetër”.

Haliti tha se, para pak dite dolën negativ edhe mjekët të cilët ishin në karantinë për 14 ditë, dhe sot po rezultojnë negativ edhe pacientët nga komuna e jonë, por për gjithë këtë një falënderim i veçantë shkon për të gjithë mjekët si të komunës tonë si të spitalit infektiv.

“Ne si komunë e Vitisë do të jemi të kujdesshëm edhe pas kësaj situate, duke mos lejuar që të përhapet virusi corona në komunën tonë, sepse qytetarët e komunës tonë ishin shumë të kujdesshëm gjatë gjithë kësaj kohe, dhe do të vazhdojmë të kujdesemi edhe më shumë në këtë situatë dhe kohë të pandemisë e cila ka izoluar botën”, tha Haliti për Kosova.info. /Kosova.info/

Leave a Reply

Your email address will not be published.

This site uses Akismet to reduce spam. Learn how your comment data is processed.