Kosova

Veseli nuk i ndahet ShBA’së, edhe posterat e fushatës i bën me Bill Clintonin

Lideri i PDK-së, Kadri Veseli është i vetmi kandidat për kryeministër në këtë garë për zgjedhjet e 6 tetorit që ka një fotografi me presidentin e SHBA-së, Donald Trump.

Pikërisht me të dhe ish presidentin amerikan, Bill Clinton, Veseli ka hapur fushatën e re, të cilën PDK e ka pagëzuar “Ta ndërtojmë të ardhmen, së bashku”.

Veseli është lideri që më së shumti në këto zgjedhje është duke përmendur rëndësinë e ruajtjes dhe zhvillimit të marrëdhënieve me Shtetet e Bashkuara të Amerikës.

Në PDK thonë se Amerika është gjithçka për Kosovën, ishte gjithmonë përkrah popullit të Kosovës dhe përcaktues për lirinë dhe pavarësinë e Kosovës.

Sipas PDK-së, lideri i tyre, Kadri Veseli është i përkushtuar për forcimin e partneritetit të saj me amerikanët në funksion të zhvillimit të Kosovës.

“Ne do të forcojmë partneritetin me amerikanët dhe së bashku do të luftojmë korrupsionin dhe do të zhvillojmë ekonominë”, janë përgjigjur Zyra për Informim e PDK-së në pyetjet tonë për vendosjen e Billbordëve me dy presidentët amerikan.

Tash e disa ditë PDK-ja dhe lideri i tyre, Kadri Veseli iu kanë bërë thirrje qytetarëve të Kosovës që të zgjedhin ndërmjet një qeverie me PDK-në, e cila e ka mbështetjen amerikane për luftën kundër korrupsionit dhe zhvillimin ekonomik, apo për një qeveri të izolimit dhe korrupsionit.

Lini një Përgjigje

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.