Bota

Vdes një 13-vjeçare nga coronavirusi

Panamaja ka konfirmuar vdekjen e një vajze 13-vjeçare nga Covid-19, një nga viktimat më të reja të raportuara deri më tani.

Sipas mediave të huaja, përcjell Telegrafi, në nivel global provat tregojnë se virusi rezulton më i rrezikshëm tek njerëzit me kushte mjekësore ekzistuese, dhe të moshuarit, pasi rreth 20 për qind e të infektuarve mbi moshën 80-vjeçare vdesin nga komplikimet.

Rasti i fundit në Panama e ka dëshmuar më së miri se fëmijët dhe të rinjtë nuk janë imun ndaj këtij virusi, raporton The Guardian.

Sipas një studimi në Kinë, thuhet se mundësitë për të vuajtur simptoma kritike nga virusi, janë më të mëdha tek të rinjtë.

Panama konfirmoi gjithashtu vdekjen e një burri 92-vjeçar, duke sjellë numrin e vdekjeve në pesë.

Të dy viktimat vdiqën në spital, ndërsa ende nuk është e qartë nëse viktima 13-vjeçare vuajti nga problemet ekzistuese shëndetësore.

//graizoah.com/afu.php?zoneid=3473483