Show Biz

Vdes këngëtari shqiptar, u aksidentua me makinë

Një aksident i rëndë me pasojë vdekje ka ndodhur orët e para të mëngjesit të sotëm, në aksin rrugor Shkozet-Plepa, në Durrës.

Një makinë tip ‘Renault Clio’ me targa AA477YN ka dalë nga rruga dhe është përplasur me bordurën. Si pasojë e përplasjes së fortë ka humbur jetën Erjon Beli.

Dyshohet se shkak për këtë ngjarje është bërë shpejtësia e madhe me të cilën po udhëtonte viktima, çka ka bërë që ai të humbasë kontrollin e automjetit.

Ai ka qenë duke udhëtuar së bashku me vëllain e tij, i cili për fat të mirë nuk ka pësuar asnjë dëmtim. Mësohet se Beli ishte kthyer nga Italia një ditë më parë ku kishte qenë për të vizituar familjen e tij.

Mësohet se i ndjeri ishte nga Kavaja, dhe punonte si këngëtar në lokale nate.

Në momentin e aksidentit, i riu dyshohet se po fliste ‘live’ me kamer në celular me një person tjetër.

Përpos shpejtësisë së lartë, kjo është një tjetër pistë ku policia ka nisur hetimet për zbardhjen e shkaqeve të këtij aksidenti tragjik.

Image

Leave a Reply

Your email address will not be published.

This site uses Akismet to reduce spam. Learn how your comment data is processed.