SPORT

Vdes ish-futbollisti i Romës në moshën 21-vjeçare

Joseph Bouasse Perfection, ish-lojtari i Romës, ka vdekur të dielën në mbrëmje si pasojë e një sulmi në zemër. Ai ishte vetëm 21 vjeç.

Mesfushori nga Kameruni nuk luajti asnjëherë për Romën, në fakt, por klubi nga kryeqyteti italian e kishte transferuar një vjet e gjysmë pasi kishte qenë në prova në Trigoria.

Bouasse vdiq në moshën 21-vjeçare mbrëmë, për shkak të një sulmi të papritur në zemër.

Para tre muajve, ai i ishte bashkuar U Cluj, klubit që bën gara në nivelin e dytë të futbollit rumun.

Bouasse kishte stërvitur shumë herë me ekipin e parë të Romës me legjendat si Francesco Totti dhe Daniele De Rossi dhe i kishte bërë 11 paraqitje për ekipin e të rinjve të Romës.

Ai i kaloi gjashtë muaj i huazuar në Vicenza në vitin 2017, para se t’i skadonte kontrata me Romën në vitin 2018.