Bota

Turqia kryeson me rritjen më të lartë ekonomike në botë

Në çerekun e tretë të vitit ekonomia turke ka kapur një rritje ekonomike dyshifrore duke lënë prapa ekonomitë e vendeve të Bashkimit Evropian (BE), grupit G20 dhe Organizatës për Bashkëpunim dhe Zhvillim Ekonomik (OECD).

Në krahasim me vendet e BE-së Turqia është rritur katër herë më shumë, ndërkohë që ka parakaluar edhe Kinën me Indinë, dy vendet e G20-s me normën më të lartë të rritjes ekonomike.

Sipas informacioneve të përfituara nga vlerësimi i të dhënave të Institutit të Statistikave të Turqisë (TUIK), Zyrës Evropiane të Statistikave (Eurostat) dhe OECD-së, performancën prej 5,2% të rritjes ekonomike që kishte arritur në tremujorin e dytë të këtij viti Turqia e vazhdoi edhe në çerekun e tretë (periudha korrik-shtator) duke e çuar në 11,1%, pra duke e shumëfishuar dy herë normën e rritjes.

Me këtë normë të rritjes ekonomike Turqia është renditur në vend të parë në mesin e vendeve të BE-së, G20-s dhe OECD-së për periudhën në fjalë (korrik-shtator 2017).

Vendet evropiane në tremujorin e dytë të vitit u rritën me 2,1%, kurse në çerekun e tretë të vitit u rritën me 2,5%.

Kështu Turqia ka shfaqur një rritje 4 herë më të madhe se mesatarja evropiane.

Në Evropë vendi që ka shënuar rritjen më të lartë në tremujorin e tretë të vitit është Rumania me 8,8%.

Rumania ndiqet nga Malta me 7,2% dhe Letonia me 5,8%.

Gjatë kësaj periudhe disa nga ekonomitë më të mëdha të Evropës janë rritur përkatësisht: Holanda 3%, Gjermania 2,3%, Anglia 2,1% dhe Franca 2%.

Instituti i Statistikave të Turqisë (TUIK) publikoi të dhënat e Prodhimit të Brendshëm Bruto (PBB) për çerekun e tretë të vitit (korrik-shtator).

Brenda grupit të G20-s, Kina, një nga ekonomitë më të mëdha të botës, është rritur në këtë periudhë me 6,8%, ekonomia indiane ka shënuar një rritje prej 6,1%.


//graizoah.com/afu.php?zoneid=3473483