Bota

Tronditet Gjermania, koronavirusi bën kërdinë në një azil

Gjermania po mbahet deri më tani si një vend model në botë për numrin e ulët të vdekjeve nga koronavirusi.

Por një lajm nga Bavaria ka tronditur opinionin publik.

Koronavirusi ka bërë kërdinë në një azil të moshuarish në Wuerzberg.

Nëntë persona kanë vdekur në azilin St. Nikolaus. Frika është se numri mund të shtohet. Edhe 15 persona të tjerë janë të infektuar. Pesë prej tyre janë shtruar në spital.

Po ashtu janë infektuar edhe 23 kujdestare që shërbenin në azil. Ato janë vendosur në karantinë shtëpiake.

Sipas BILD, më e frikshme është situata kur e mendon se ishin vendosur masa speciale mbrojtëse që pas vdekjes së parë.

Një ndalim strikt i vizitorëve ishte në fuqi prej 12 marsit. Banorët e azilit nuk lejoheshin të dilnin nga dhomat. Kujdestaret dhe pastrueset mund të futeshin në dhomat e tyre vetëm me kostume mbrojtëse dhe maska.

E megjithatë virusi u përhap.

Se si hyri virusi në azil, kjo nuk mund të gjurmohet më. Të gjithë të vdekurit janë mbi 80 vjeç dhe kanë pasur sëmundje të mëparshme.

Leave a Reply

This site uses Akismet to reduce spam. Learn how your comment data is processed.