SPORT

Trajneri i Hungarisë e krahasoi shpejtësinë e Jamesit me atë të Boltit, transferimi i ri i Unitedit befason të gjithë ndaj Hungarisë

Transferimi i ri i Manchester Unitedit, Daniel James, njihet si një lojtar shumë i shpejt dhe trajneri i kombëtares së Hungarisë e ka krahasuar atë me legjendën e vrapimit Usain Bolt.

Unitedi ka dështuar në sezonin e fundit në Ligën Premier duke përfunduar në vendin e gjashtë në kampionat

Ky dështim ka bërë që klubi të mendoj revolucionin duke larguar shumë emra dhe duke transferuar lojtar të rinj në Old Trafford. Alexis Sanchez, Paul Pogba dhe David de Gea pritet të largohen, ndërsa Bruno Fernandes, Harry Maguire dhe Antoine Griezmann pritet të vijnë. Lojtari i vetëm i transferuar deri më tani te Unitedi është Daniel James, i cili erdhi nga Swansea City pas shkëlqimit në Championship.

Trajneri i Hungarisë e kishte krahasuar Jamesin me Boltin, duke thënë: “Shpejtësia e tij ma përkujton Usain Boltin – të jesh aq shpejt sa ai është me të vërtetë e pabesueshme”. Dhe tani tifozët e Unitedit janë bindur shpejt me fjalët e trajnerit të Hungarisë

Kjo pasi James ka dhuruar një sprint të shpejt në ndeshjen Uells-Hungari, gjatë një aksioni, duke lënë shumë pas një lojtar kundërshtar që e ndiqte nga pas.