Bota

Tragjedi në Gjermani, dy fëmijë gjejnë vdekjen pas përmbysjes së një autobusi shkollor – detajet dhe pamjet nga vendi i ngjarjes

Një aksident i rëndë ka ndodhur afër Eisenach në Gjermani, si pasojë e të cilit kanë gjetur vdekjen dy nxënës.

Sipas policisë, 22 fëmijë, të moshës 8-11, ishin në një autobus shkollor që u rrotullua në një rrugë të ngrirë rreth orës 7:30 të mëngjesit të së enjtes, më pas ra në një hendek dhe u përmbys disa herë, shkruajnë mediat e huaja.

Ekipet e urgjencës, arritën shpejt në vendin e ngjarjes, ndërsa zëdhënësja e policisë Alexandra Hoodt tha në mesditë se përveç dy të vdekurve, pesë fëmijë u plagosën rëndë në përplasje.

Ata janë të vendosur në klinikat në Eisenach, Mühlhausen dhe Gotha.

Gjithashtu është bërë e ditur se 15 djem dhe vajza gjithashtu u plagosën lehtë, si dhe shoferi i autobusit, të cilët gjithashtu u transferuan në spitalet afër.

Zyra e Prokurorit të Qarkut Wartburg konfirmoi vdekjen e dy fëmijëve këtë mëngjes.

Departamenti i zjarrit zbuloi kufomat vetëm kur autobusi ishte ngritur me një vinç të madh, shpjegoi shefi i operacioneve, Jens Claus.

Ndryshe, ky është aksidenti i dytë me autobus të një shkolle në të njëjtën ditë në Gjermani.

Në Bavari, nëntë fëmijë u lënduan kur një autobus shkollor doli nga rruga dhe goditi një pemë.

Për fat të mirë, nga ky aksident nuk ka ndonjë të lënduar rëndë.

Leave a Reply

This site uses Akismet to reduce spam. Learn how your comment data is processed.