Kosova

Takimi Krasinqi – Tolaj/ Diskutohet koordinimi institucional në zbatimin e normativave në procesin e privatizimit

Ministri Krasniqi priti në takim drejtorin e AKP-së, Valon Tolajn – raporton Kosova.info

Ministri i Tregtisë dhe Industrisë, Vesel Krasniqi, priti në takim drejtorin menaxhues të Agjencisë Kosovare të Privatizimit, Valon Tolajn, me bashkëpunëtorë, ku temë e bisedës ishte koordinimi institucional në zbatimi i normativave në proceset e privatizimit.

Gjithashtu, në takim, u diskutua edhe për bashkëpunimin institucional në mes Ministrisë së Tregtisë dhe Industrisë (MTI) dhe Agjencisë Kosovare të Privatizimit (AKP), në kuadër të legjislacionit në fuqi, për çështjet me interes të zhvillimit të ndërmarrësisë kosovare.

Ministri Krasniqi shprehu gatishmërinë e tij për bashkëpunim me AKP-në, për t’i trajtuar të gjitha çështjet që prekin fushat me interes ekonomik të vendit gjatë procesit të privatizimit./Kosova.info/

Leave a Reply

Your email address will not be published.