Sonte është mbajtur një takim urgjent mes bordit të klubit të Prishtinës dhe trajnerit Zekirja Ramadani.
Shkak i këtij takimi ishin rezultatet e dobëta të bardhekaltërve në këtë fillim sezon, veçanërisht pasi kanë pësuar tri humbje radhazi.
Në takimin e sontëm, sipas burimeve të ”Sporti.info”, trajneri Ramadani i ka ofruar dorëheqjen bordit të Prishtinës. Këta të fundit nuk e kanë miratuar kërkesën e tij dhe bashkëpunimi mes palëve do të vazhdojë për momentin.
Prishtina pas nëntë ndeshjeve të para tubon 11 pikë dhe renditet në pozitën e gjashtë, shumë larg pritshmërive që kishte ekipi.
add a comment
