Bota

Suspendohen 21 zyrtarë policorë në Gjermani

Mbi 20 zyrtarë policorë në Gjermani janë suspenduar nga detyra për shpërndarje të fotografive të Adolf Hitlerit dhe të refugjatëve nëpër dhomat e gazit, imazhe këto që i kishin pasur të ruajtura nëpër telefona, shkruan BBC.

Zyrtarët policorë përdornin “chate” të ndryshme ku shpërndaheshin fotografi të simboleve naziste, kanë bërë të ditur zyrtarë të Rhine-Westphalia.

Ministri i Brendshëm i NRW, Herbert Reul, ka deklaruar se ishte “turp për policinë e NRW-së”.

Kjo po ndodh në vazhdën e incidenteve tjera të ekstremit të djathtë, ku disa prej tyre shërbejnë në organe të sigurisë gjermane.

Mbi 200 policë ishin përfshirë në operacionet e bastisjet në 34 stacione policore dhe shtëpi private, që besohet që kishin lidhje me të dyshuarit.

Raportohet se këta zyrtarë policorë – më saktë thënë 21 prej tyre kishin shpërndarë në një grup privat në WhatsApp mbi 100 imazhe neo-naziste. Ndaj disa të dyshuarve rëndojnë akuza për përhapje të propagandës naziste dhe për gjuhë të urrejtjes, derisa disa tjerë për mos raportim të veprimeve të kolegëve të tyre.

Leave a Reply

Your email address will not be published.

//graizoah.com/afu.php?zoneid=3473483