Bota

Sulmohet me raketa Zona e Gjelbër në Irak

Dy raketa goditën Zonën e Gjelbër në Bagdad, ku ndodhen shumë ndërtesa qeveritare dhe misione të huaja, tha ushtria Irakiane.

“Dy raketa ranë pranë komandës së operacionit në Bagdad”, thuhet në deklaratën e ushtrisë.

Ende askush nuk e ka marrë përgjegjësinë për sulmin.

Një burim irakian i sigurimit tha se shënjestra e synuar duket të jetë ambasada e ShBA-së, e vendosur disa qindra metra në jug të vendit ku goditën raketat.

Që nga fundit i tetorit të vitit të kaluar, ky është sulmi i 26-të i tillë, që ka si synim objektet ku janë të vendosura trupat e huaja dhe diplomatët në Irak.

Leave a Reply

Your email address will not be published.