Kosova

Sot takohen Thaçi e Kurti për çështjen e mandatarit të qeverisë

Presidenti i Kosovës, Hashim Thaçi do ta pres sot në takim liderin e Lëvizjes Vetëvendosje, Albin Kurti, me të cilin do të diskutojë për çështjen e caktimit të mandatarit për formimin e qeverisë së re.

Ky takim do të mbahet në Presidencë, duke filluar nga ora 15:00.

Presidenti Thaçi i kishte dërguar Kurti tri kërkesa për takim, por që të gjitha ishin refuzuar nga fituesi i zgjedhjeve të 6 tetorit.

Para takimit Thaçi-Kurti, Lidhja Demokratike e Kosovës (LDK) do ta mbajë mbledhjen e Kryesisë dhe të grupit parlamentar.

Kujtojmë se më 26 dhjetor 2019 është konstituuar Kuvendi i Kosovës, ku Glauk Konjufca është zgjedhur kryeparlamentar, por pa marrëveshje me LDK-në edhe pse deputetët e kësaj partie e kanë votuar pro Konjufcës.

Lëvizja Vetëvendosje dhe LDK-ja që nga zgjedhjet e 6 tetorit janë duke negociuar për arritjen e marrëveshjes për bashkëqeverisje, por pa ndonjë rezultat konkret.