Kosova

Sot në Rahovec varrosen babë e bir që vdiqën në Zvicër

Një tragjedi ka ndodhur ditë më parë në një familje kosovare në Zvicër. Tragjedia nisi më 21 shtator ku djali i familjes Lirim Neziraj vetëm, 20-vjeçari autik dhe i sëmurë nga epilepsia ndërroi jetë nën shinat e trenit në Oerlikon të Zyrihut.

Si shkak i dhimbjes së tmerrshme për largimin nga jeta të të birit, i ati Hamëz Neziriaj, 62-vjeç, 5 ditë më vonë pësoi sulm në tru, ku për pasojë ndërroi jetë.

Familja Neziri, ka njoftuar se dy familjarët e tyre do të varrosen sot në fshatin Dobidol të Rahovecit.

Familja kosovare jetonte në një nga azilet e Zvicrës. Për shkak të statusit të tyre si azilkërkues, nëna, vajza dhe djali tjetër i kësaj familje, nuk kanë të drejtë të udhëtojnë drejt Kosovës, e kështu ato nuk marrin dot pjesë në varrimin e dy njerëzve më të dashur të familjes.

Leave a Reply

Your email address will not be published.

This site uses Akismet to reduce spam. Learn how your comment data is processed.