SPORT

Sot bëhen 10 vite kur Interi fitoi Ligën e Kampionëve

Më 22 maj të vitit 2010, klubi i madh italian, Interi kompletoi ‘sundimin’ e futbollit, duke kompletuar fitimin e tre trofeve.

Fitimi i tre trofeve brenda një sezoni apo i njohur ndryshe si ‘tripleta’ është një gjë që shumë pak klube kanë arritur të bëjnë gjatë historisë.

Njëra nga të paktat, padyshim se është klubi italian, Interi, i cili gjatë vitit 2010 arriti të fitojë secilin trofe.

Trofeu i parë erdhi me triumfin në Kupën e Italisë, pastaj fituan titullin në Serie A, ndërsa qershia mbi tortë erdhi me fitimin e Ligës së Kampionëve.

Pikërisht është trofeu i Ligës së Kampionëve, i cili është fituar saktësisht sikur sot 10 vite më parë, pra me 22 maj të vitit 2010.

Finalja e madhe e këtij turneu u zhvillua në Santiago Bernabeu, ku Nerazzurrët mposhtën Bayern Munichun me rezultat 2-0.

Fitorja e klubit italian erdhi falë dy golave nga sulmuesi argjentinas, Diego Milito.

Kupa e Italisë ishte trofe i parë i Interit këtë vit dhe u fitua me datë 5 maj ndaj Romës.

Fitorja erdhi me rezultat minimal 1-0 dhe u fitua po ashtu me golin e Militos.

Triumfi në kampionatin vendas, Serie A, erdhi vetëm në ndeshjen e fundit pas një gare të ashpër me Romën.

Ndeshja vendimtare ishte në udhëtim te Seiena dhe u fitua me rezultat 1-0.

Trajner i këtij Interi legjendar ishte portugezi Jose Mourinho, ndërsa ekipi ishte i mbushur me yje dhe legjenda.

Julio Cesar, Maicon, Lucio, Walter Samuel, Javier Zanetti, Esteban Cambiasso, Thiago Motta, Dejan Stankovic, Wesley Sniejder, Goran Pandev, Samuel Eto’o dhe Milito ishin lojtarët kryesor të këtij Interi.

Por, nuk duhet harruar as lojtarë tjerë si Francsesco Toldo, Christian Chivu, Marco Materazzi, Ivan Cordoba, Mario Balotelli dhe Sulley Muntari.

Merita të mëdha padyshim se pati edhe presidenti Massimo Moratti, i cili nuk ndali investimet për vite me radhë deri ta bëri ëndrrën realitet. 

Leave a Reply

This site uses Akismet to reduce spam. Learn how your comment data is processed.