SHËNDETËSIA

Shkencëtarët kinezë: Coronavirusi mund të udhëtojë deri në katër metra në ajër

Një studim i ri zbuloi se virusi mund të shkojë deri në katër metra – dy herë më shumë sesa distanca që është kërkuar në udhëzimet aktuale, sipas Radio France Internationale.

Këto rezultate paraprake nga një ekip studiuesish kinezë janë botuar në revistën Emerging Infect Diseases.

Studiuesit nga Akademia e Shkencave Mjekësore Ushtarake të Pekinit testuan mostra nga një repart në Spitalin Huoshenshan në Wuhan, transmeton Telegrafi.

Virusi zgjat më shumë në dysheme

Midis 19 shkurtit dhe 2 marsit, ata kishin gjithsej 24 pacientë. Ata zbuluan se virusi mund të qëndrojë më shumë në dysheme dhe këtë ia atribuojnë gravitetit dhe rrjedhës së ajrit, gjë që bën që shumica e pikave të virusit të bien në tokë.

Nivele të larta janë gjetur edhe në sipërfaqe të prekura shpesh, si mausi i kompjuteri, kanaçe në plehra etj.

Leave a Reply

This site uses Akismet to reduce spam. Learn how your comment data is processed.