SHKENCË

Shkencëtarët besojnë se këto fotografi paraqesin kërpudhat në Mars

A mund të ketë kërpudha në planetin Mars? Në një letër të re, një ekip ndërkombëtar i shkencëtarëve nga vendet përfshirë ShBA-në, Francën dhe Kinën kanë mbledhur dhe kanë krahasuar provat fotografike që ata pretendojnë se tregojnë objekte të ngjashme me kërpudhat që po rriten në Planetin e Kuq.

Në punimin e tyre, i cili shfaqet në Përparimet e Kërkimit Shkencor në Mikrobiologji, shkencëtarët analizojnë imazhet e marra nga reverët e NASA-s Opportunity dhe Curiosity, gjithashtu edhe nga kamera Hirise nga “Mars Reconnaissance”.

Objektet në fjalë tregojnë “ekzemplarë në formë sferike me ngjyrë të bardhë”, për të cilin ekipi i Mars Opportunity fillimisht tha se ishte një mineral i quajtur hematit.

Studimet e mëvonshme hodhën poshtë pretendimin e hematit, raportojnë mediet e huaja, përcjell Telegrafi.

Më vonë, disa shkencëtarë shpikën termin “kërpudha marsiane” për të përshkruar objektet misterioze, për shkak të mënyrës se si i ngjajnë likeneve dhe kërpudhave, derisa në një studim tjetër, ekspertët e kërpudhave dhe likeneve i klasifikuan si “kërpudha sferike”- kërpudha të bardha, sferike që i përkasin familjes Basidiomycota janë gjetur në planetin Tokë.