Bota

ShBA dhe Koreja V. flasin për kthimin e trupave të ushtarëve të vrarë në Luftën Koreane

Zyrtarët e Shteteve të Bashkuara dhe Koresë së Veriut po takohen në kufirin mes dy Koreve për të diskutuar rreth kthimit të trupave të pajetë të ushtarëve amerikanë të vrarë në Luftën Koreane, raporton agjencia e lajmeve jugkoreane, Yonhap.

Për këtë çështje ishte arritur një marrëveshje gjatë takimit të nivelit të lartë në mes të presidentit amerikan, Donald Trump dhe liderit verikorean, Kim Jong Un.

Agjencia Yonhap ka cituar një zyrtar qeveritar të ketë thënë se bisedimet kanë nisur më 15 korrik në fshatin kufitar Panmunjom, në atë që njihet si Zona e Demilitarizuar që ndanë dy Koretë.

Sekretari amerikan i Shtetit, Mike Pompeo, që ka vizituar Penjanim më herët gjatë këtij muaji, ka biseduar për detajet e marrëveshjes së denuklearizimit të nënshkruar nga Trump dhe Kim dhe ka thënë se të dyja palët kanë shënuar përparim.

Leave a Reply

Your email address will not be published.

This site uses Akismet to reduce spam. Learn how your comment data is processed.