Kosova

Shala nga SBASHK’u: Gjykata Kushtetuese u tregua e paarsyeshme

Sipas Shalës, pjesa dërrmuese e mësimdhënësve kanë qenë për implementim të ligjit të pagave dhe Gjykata Kushtetuese u tregua e paarsyeshme.

Nënkryetarja e Sindikatës së Bashkuar të Arsimit, Shkencës dhe Kulturës, Vjollca Shala ka thënë se, pjesa dërrmuese e mësimdhënësve kanë qenë për implementim të ligjit të pagave.

“Nëse i shikojmë pak më detajisht gjërat ndoshta mund të jetë edhe politikisht. Avokati i popullit ka marrë parasysh 35 ankesat ndërsa pjesa dërrmuese e mësimdhënësve kanë qenë për implementim të ligjit të pagave”, është shprehur Shala në RTV 21, transmeton Kosova.info.

Tutje, Shala tha se Gjykata Kushtetuese nuk është treguar e arsyeshme që brenda një periudhe një javore ta pezullojë ligjin për paga.

“Por e mori atë qëndrim e dërgoi në Gjykaten Kushtetuese, gjithashtu edhe nga Gjykata Kushtetuese nuk është e arsyeshme që brenda një periudhe një javore, madje as një javore ta pezulloj ligjin e pagave“, shtoi Shala.

//graizoah.com/afu.php?zoneid=3473483