Kosova

Sejdiu: Në listën e VV’së ka njerëz që s’kanë lidhje me këtë subjekt

Ish-deputeti i VV’së, Dardan Sejdiu, ka komentuar listën e kandidatëve të kësaj partie për deputet në zgjedhjet e 14 shkurtit.

“Në këtë listë unë shoh gjithçka dhe kurgjë. Shoh përfaqësim jashtëzakonisht të mirë potencialisht por edhe shoh pesëshe që s’kanë lidhje me Vetëvendosjen. Sepse në këto zgjedhje votohen pesë emra”, tha ai.

“Mund të ndodh që Grupi Parlamentar i VV’së t’i ketë disa pesëshe që kanë komplet bindje të ndryshme dhe kjo i bie që duhet me u nënshtruar, po supozojmë që qeverinë e bën Vetëvendosja, kështu po na thonë sondazhet, kjo i bjen që duhet me i nënshtruar bindjet e tua karshi një politike që e udhëheq në këtë rast kryeministri Kurti”, tha Sejdiu në Klan Kosovën.

“Këto lloj listash formohen vetëm kur i nënshtrohesh autoritetit’, thotë Sejdiu.