Hi Tech

Samsungu patenton disa ide të pazakonta për telefona

Samsungu, si shumë kompani të tjera, është duke punuar vazhdimisht në një numër të madh idesh dhe zgjidhjesh. Patently Apple tani i ka zbuluar disa patenta për telefona, në të cilat Samsungu është duke punuar potencialisht, raporton Ubergizmo.

Një prej këtyre patentave e përshkruan një telefon i cili e merr idenë nga dizajni i Huawei Mate X. Patenta e përshkruan telefonin i cili shpaloset nga jashtë, ndryshe nga modeli aktual Galaxy Fold i cili paloset nga brenda, shkruan KOHA Ditore. Natyrisht, mbetet të shihet se sa serioz është Samsungu në implementimin e një zgjidhjeje të tillë në disa prej pajisjeve të saj të ardhshme.

Edhe një patentë tjetër është interesante, në të cilën kompania e Koresë së Jugut luan me idenë e krijimit të telefonit modular. Këto module vijnë në formën e “tabeve”, të cilat mund të ngjiten ose shkëputen nga telefoni. Në këtë mënyrë do të ishte e mundur të shtohet harduer i ri, bateri shtesë dhe elemente të tjera.

Idenë e telefonave modularë e kemi parë më parë, por ajo nuk ishte pranuar nga industria e telefonave të mençur. Mbetet të shihet nëse zgjidhjet e Samsungut do të jenë thjesht mbrojtje e ideve apo pjesë e produkteve konkrete.

//graizoah.com/afu.php?zoneid=3473483