Kombëtare

Sami Lushtaku flet pas raportimeve për tensione në PDK’në e Skenderajt

Kandidati për postin e kryetarit të degës në Skenderaj të Partisë Demokratike të Kosovës, Sami Lushtaku, ka folur pas raportimeve për tensione e përleshje fizike sot, në një nëndegë të PDK’së, në fshatin Klinë e Epërme.

Nëpërmjet një shkrimi në Facebook, ai është munduar të sqarojë atë që ka ndodhur gjatë zhvillimit të zgjedhjeve të brendshme në degën e PDK’së në Skenderaj.

“Kuvendi zgjedhor i nëndegës së Klinës së Epërme është anuluar, për shkak të disa pakënaqësive në mesin e të pranishmëve”, ka thënë Lushtaku.

“Në këtë rast, Komisioni Lokal Zgjedhor ka vendosur që t’i anulojë këto zgjedhje deri në një vendim të ri”, ka bërë të ditur ai.

Lushtaku ka shkruar se “sot janë mbajtur kuvendet zgjedhore në Kllodërnicë, Rakinicë dhe Krasmirofc”.

Në këto nëndegë, ka treguar ai, “janë zgjedhur kryetarët, delegatët për kuvendin e degës dhe kryesitë e nëndegëve.

E, kryetari i të rinjve në degën e PDK’së në Skenderaj, Alban Berisha, ka folur për Gazetën Express rreth përleshjes fizike që u raportua të ketë ndodhur sot.

Pamjet lëvizëse, nga vendi i ngjarjes, shfaqin momentin e tensioneve gjatë zhvillimit të procesit të brendshëm zgjedhor atje.