Kombëtare

Rrihen mes vete tre persona në Prishtinë

Policia e Kosovës ka arrestuar në Prishtinë tre persona, pasi që të njejtët janë perleshur mes vete duke përdorur mjete të forta. Si pasojë të njejtët kanë pësuar lëndime të lehta trupore, raporton Express.

Kështu kanë konfirmuar për Gazetën Express policia në Rajonin e Prishtinës.

“Sot rreth orës 13:00, kemi pranuar informatën për një përleshje në mes të disa personave në rrugën “Eqrem Çabej” në Prishtinë. Si pasojë e përleshjes, ku janë përdorur edhe mjetet e forta, tre persona kanë pësuar lëndime trupore. Lidhur me këtë ngjarje, policia ka shoqëruar në stacion policor tre persona. Me rastin po merren njesitet kompetente të stacionit Jugu në Prishtinë”, ka njoftuar zëdhënësja e policisë në Prishtinë, Flora Ahmeti./