Show Biz

Publikohet “Alo” nga Ronela Hajati dhe Vig Poppa

Këngëtarja e njohur shqiptare, Ronela Hajati, ka publikuar këngën e radhës nga albumi i ri i quajtur “Rron”.

“Alo” titullohet kënga, për të cilën ka bashkuar forcat me reperin e njohur Vig Poppa.

Projekti është shoqëruar edhe me klip, gjersa artistja nga Shqipëria mori vëmendje të madhe edhe me paraqitjen skenike.

Tekstin dhe melodinë e kanë realizuar vet këngëtarët, kurse për muzikën dhe aranzhimin u kujdes Çekiç.

Për dukjen e këngëtares është përkujdesur Zaimina Vasjari, ZV Store.

Krahas “Alo”, këngët e mëparshme nga ky album janë: “Aventura”, “Shumë i mirë” dhe “Prologue”.

Lansimi i këtyre projekteve filloi më 15 qershor dhe deri më tani numërojnë miliona klikime në YouTube.