Life Style

Pse mendojmë se dukemi më mirë para pasqyrës sesa në foto?

Mesatarisht femrat shikohen në pasqyre mbi 70 herë brenda një dite. Dhe nuk është diçka që duhet të çuditemi pasi duhet të sigurohemi që çdo gjë është në rregull para se të dalim nga shtëpia.

Por, pastaj bëni një foto dhe çdo gjë ju duket keq. Ju duket sikur jeni dy persona të ndryshëm.

Megjithatë, duhet të kuptoni që sjeni të vetmtit.  Në fakt, ka edhe shpjegim shkencor për këtë.

Pasqyra na përmbys

Çfarë shohim kur e shikojmë veten në pasqyre nuk është realitet – reflektimi i pasqyrës është version i përmbysur i asaj se si dukemi vërtet.

Dhe pasi që shikohemi në pasqyre çdo ditë, ne jemi të mësuar me ndjenjën e versionit të përmbysur. Kështu nëse nuk e shihni veten shumë shpesh në fotografi, ju vërtet nuk e dini se si dukeni, prandaj është në rregull nëse tronditeni pak.

Kontrolli i menjëhershëm

Kur shikojmë në pasqyre, ne kemi kontroll të plotë dhe të menjëhershëm. Nëse nuk na pëlqen këndi, ne reagojmë menjëherë duke e ndryshuar fytyrën dhe duke e korrigjuar mënyrën si qëndrojmë, por edhe duke e ndryshuar shprehjen e fytyrës për të formuar pamje më të kënaqshme.

Kur vjen fjala për fotografitë, ne e shohim veten pasi të është bërë fotografia.

Ndriçimi ka rëndësi

Truri funksionon në atë mënyrë sa nuk i vërejmë dallimet e ndriçimit kur shikojmë në pasqyre sepse truri automatikisht e barazon atë dhe na shfaq fytyrën tonë afër asaj se çfarë jemi mësuar të shohim.

Kamera nuk funksionon në këtë mënyrë dhe i kap të gjitha nuancat dhe hijet.

Në pasqyre shohim vetëm detaje të caktuara

Kur shikojmë në pasqyre, zakonisht fokusohemi në një pjesë të caktuar të fytyrës, siç janë buzët, hunda, sytë, etj. dhe nuk e perceptojmë se si duken të gjitha së bashku.

Kur shikojmë në fotografi, ne të gjitha i përjetojmë menjëherë dhe e gjykojmë ë performancën: mënyrën e qëndrimit, shprehjen e fytyrës dhe çdo gjë tjetër që nuk i kemi kushtuar vëmendje.

Fytyrat tona jonë asimetrike

Askush nuk ka fytyrë absolutisht simetrike. Ne jemi mësuar ta shohim veten në një apo disa kënde të caktuara dhe shpesh mendojmë se njëra anë e fytyrës është e njëjtë me tjetrën. Kjo është arsyeja pse ndihemi si person krejt tjetër kur e shohim veten në fotografi dhe ndihemi më pak joshës.

Leave a Reply

Your email address will not be published.