SHËNDETËSIA

Pse arrat ndikojnë pozitivisht në stomak

Ekspertët argumentojnë se ushqimet luajnë një rol shumë të rëndësishëm në shfaqjen ose jo të ulçerës.

Ulçera ka të bëjë me lëndime të sistemit tretës dhe shpesh ka lidhje me infeksionet e shkaktuara nga bakteri i njohur si Helicobakter pylori.

Dy nga format më të njohura të sëmundjes janë ulçera e stomakut dhe ajo e zorrës.

Njerëzit që vuajnë nga ulçera duhet të konsumojnë më shumë ushqime me nivel të lartë alkaline dhe ato që luftojnë inflamacionin.

Në këtë artikull do të zbuloni nëse arrorët, që njihen si ushqim anti-inflamacion, kanë ndikim ose jo në shfaqjen e ulçerës.

Arrorët Dhe Ulçera, Ndikimi Dhe Përfitimet

Arrorët përmbajnë shumë antioksidantë dhe ato janë të rëndësishëm kundër bakterit Helicobacter pylori (H. pylori), një nga shkaktarët kryesorë të ulçerës.

Ky bakter dobëson shtresën mbrojtëse të stomakut dhe lejon aciditetin e tepërt.

Një regjim i pasur me antioksidantë, besohet të ndihmojë fort kundër problemeve të shkaktuara prej inflamacionit, siç është edhe ulçera.

Antioksidantët pengojnë bakterin e lartpërmendur dhe e mbajnë atë të nënshtruar dhe jo aktiv.

Thënë kjo, arrorët konsiderohen si një produkt i mirë dhe i shëndetshëm për stomakun dhe për pacientët që vuajnë nga problemet me ulçerën.

Vlera Të Tjera Të Arrorëve

Arrorët janë të pasur me ushqyes, yndyrna të pangopura, proteinë, fibër dhe minerale.

Konsumi i rregullt i arrave ul rrezikun e:

  • sëmundjeve të zemrës
  • goditjeve në tru
  • problemeve të tëmthit
  • divertikulozës
  • tensionit të lartë të gjakut
  • nivelit të lartë të kolesterolit
  • mbipeshës

Arrat janë të mira edhe kundër mbipeshës por ato treten me vështirësi ndaj ekspertët rekomandojnë që të përtypen mirë.

Ulçera, Ushqimet Më Të Mira Dhe Të Ndaluara

Ekspertët këshillojnë konsumin e karrotës, farave të linit, mollës, patates, bananes, aloe verës etj.

Ata rekomandojnë që pacientët që vuajnë nga ulçera të shmangin kafenë, ëmbëlsirat, pijet e gazuara, ushqimet pikante, alkolin, të skuqurat dhe produktet e brumit.

Leave a Reply

Your email address will not be published.