Bota

Pritet të futet në qarkullim monedha përkujtimore e BREXIT-it

Britania pas 47 viteve qendrim në Bashkim Evropian, që nga 31 janari zyrtarisht nuk do të jetë pjesë e saj.

Lidhur me këtë, një monedhë përkujtimore 50 pence [60 centë] që shënon largimin e Britanisë së Madhe nga blloku evropian është zbuluar nga sekretari i Thesarit, Sajid Javid.

Monedha do të mbajë mbishkrimin “Paqja, prosperiteti dhe miqësia me të gjitha kombet” dhe datën 31 janar 2020, përcjell Telegrafi.

Javid kishte urdhëruar për herë të parë prodhimin e këtyre monedhave, pra përpara datës 31 tetor të vitit të kaluar.

Por vonesa në BREXIT, do të thoshte që rreth një milion monedha duhej të shkriheshin derisa të konfirmohej një datë e re daljeje.

Pra, rreth tre milionë monedha BREXIT pritet të futen në qarkullim, ndërsa shtatë milionë të tjera do të shtohen përgjatë vitit.

Shfaq më shumë

Lini një Përgjigje

Adresa juaj email s’do të bëhet publike.

//usounoul.com/4/3473483