SPORT

Prishtina fiton Superkupën

Sigal Prishtina ka fituar Superkupën e Kosovës në basketboll. Prishtina të dielën mbrëma në Pejë, mposhti Bashkimin në finale me rezultat 74:73.

Ndeshja kishte fund dramatik, ndërsa prizrenasit humbën aksionin e fundit. Kështu Prishtina vazhdon të mbledhë trofe në basketbollin kosovar. Në turneun e Superkupës është paraqitur vetëm me lojtarë vendorë.

Arian Qallaku realizoi 22 pikë për Prishtinën, ndërsa Altin Morina 19. Musab Mala kishte 19 pikë te Bashkimi. Edmond Azemi realizoi pikët vendimtare.