Prindërit e saj kanë menaxhuar një biznes të suksesshëm: Kush ishte Kate Middleton para se të bëhej princeshë?

Prindërit e Kate Middleton, Carole dhe Michael Middleton, kanë qenë pronarë të një biznesi të suksesshëm përpara se vajza e tyre të martohej me Princin William dhe të bëhej pjesë e familjes mbretërore. Por kush ishte ajo para se të bëhej një figurë publike kaq e njohur?

Kate Middleton lindi më 9 janar të vitit 1982 në Reading, Angli. Ajo është vajza më e madhe e Carol dhe Michael Middleton dhe ka edhe një motër, Pippa dhe një vëlla, James. Prindërit e saj kishin një jetesë relativisht të begatë, me të atin Michael që kishte lindur në një familje të pasur të lidhur me aristokracinë dhe që kishte studiuar në kolegjin prestigjoz ‘Clifton’ në Bristol. Nga ana tjetër, e ëma e saj, Carole, kishte një jetesë më modeste duke u rritur në një apartament në Southall të Londrës, dhe ishte vajza e një shitëseje dhe një piktori, gjyshi i saj ishte minator.

Carole punoi si stjuardesë për ‘British Airways’ ku takoi Michaelin, që ishte pilot atë kohë. Ata u martuan në vitin 1980 në Buckinghamshire. Kate ishte një vajzë normale, sipas fjalëve të xhaxhait të saj, Gary Goldsmith, i cili zbuloi se ai dhe motra e tij Carole kishin miliona pa mbushur 30 vjet.

Në vitin 1987, pesë vite pas lindjes së Kate, prindërit e saj themeluan kompaninë “Party Pieces”. Besohet se pasuria e familjes Middleton rrjedh nga suksesi i kësaj kompanie. Megjithatë, pandemia e preku biznesin e tyre dhe ata u detyruan të ndalonin aktivitetet vitin e kaluar. Gjatë kohës që funksiononte, të ardhurat nga kompania u mundësuan fëmijëve Middleton që të shkonin në kolegjin e njohur ‘Marlborough’ dhe të blinin shumë pasuri të paluajtshme, duke përfshirë një apartament në Chelsea dhe një vilë në Berkshire të vlefshme për më shumë se katër milionë funte (4.6 milionë euro). Vlerësohet se tani kanë pasuri prej 54 milionë funtesh (62.6 milionë euro).

Kate, falë situatës financiare të familjes së saj, u diplomua në histori e artit në Universitetin St. Andrews, ku edhe takoi Princin William në vitin 2001. Para se të bëhej Dukesha e Cambridge-it, Kate punoi në industrinë e modës dhe gjithashtu në kompaninë e prindërve të saj, duke dizajnuar katalogë dhe duke menaxhuar marketingun.

Kate jetoi me motrën e saj Pippa në një apartament që kushtoi mbi një milion funte (1.1 milion euro) dhe u ble nga prindërit e saj. Pas martesës me Princin William, Kate ndau financat me të, i cili trashëgoi rreth 10 milion funte (11.6 milionë euro) pas vdekjes së nënës së tij, Princeshës Diana.

Çifti dhe tre fëmijët e tyre, George (10 vjeç), Charlotte (tetë vjeçe) dhe Louis (pesë vjeçe), gëzojnë këtë trashëgimi dhe në vitin 2022, Cosmopolitan vlerësoi pasurinë e princeshës në 7,8 milionë funte (nëntë milionë euro). Motra e saj, Pippa (40), u martua me miliarderin James Matthews dhe ka publikuar libra për etiketë dhe gatim. Anëtari më i ri i familjes Middleton, James (36 vjeç), u martua me analisten franceze Alizee Thevenet dhe aktualisht drejton një kompani që prodhon ushqim cilësor për qen.

Ndërsa Kate Middleton është në lajme së fundmi për shkak të betejës së saj me kancerin dhe të qenit nën vëmendjen e medias, është e rëndësishme të kujtojmë rrugëtimin e saj dhe prejardhjen para se të bëhej pjesë e familjes mbretërore.

Go to TOP