Bota

Prezanton zyrtarisht anëtarët kryesor Biden të ekipit ekonomik

Presidenti i zgjedhur, Joe Biden dhe zëvendëpresidentja e zgjedhur, Kamala Harris zyrtarisht kanë prezantuar anëtarët kryesorë të ekipit të tyre ekonomik në një ngjarje që ndodh në Wilmington, Delaware.

“Një ekip i shkallës së parë që do të na kalojë nëpër këtë krizë të vazhdueshme ekonomike dhe do të na ndihmojë të ndërtojmë përsëri ekonominë, jo vetëm ta ndërtojmë përsëri por ta ndërtojmë përsëri më mirë sesa ishte më parë. Një ekip i testuar dhe me përvojë”, tha Biden për të nominuarit dhe të emëruarit të ulur në tavolina në të dy anët e presidentit të zgjedhur, raporton cnn.

Dje, Biden bëri njoftimin e pritur prej kohësh se Janet Yellen, do të jetë Sekretare e Thesarit së bashku me tre gra të tjera në rolet kryesore në një ekip të ndryshëm që do të ketë për detyrë të ndihmojë udhëheqjen e përgjigjes ekonomike të demokratit ndaj pandemisë së coronavirusit.

Nëse konfirmohet, Yellen do të ishte gruaja e parë që do të jetë Sekretare e Thesarit, transmeton Telegrafi.

Ndër të nominuarit e tjerë për thyerjen e pengesave që Biden njoftoi është Adewale “Wally” Adeyemo, presidente e Fondacionit Obama në Chicago, për zëvendës Sekretarin e Thesarit, duke shërbyer nën Yellen. Nëse konfirmohet, ai do të ishte zëvendës sekretari i parë me ngjyrë i Thesarit.

Janet Yellen u emërua për të shërbyer si Sekretare e Thesarit.

Neera Tanden e nominuar për të shërbyer si Drejtore e Zyrës së Menaxhimit dhe Buxhetit.

Wally Adeyemo u emërua për të shërbyer si Zëvendës Sekretar i Thesarit.

Cecilia Rouse e nominuar për të shërbyer si Kryetare e Këshillit të Këshilltarëve Ekonomik.

Jared Bernstein do të shërbejë si anëtar i Këshillit të Këshilltarëve Ekonomik. Heather Boushey do të shërbejë si anëtare e Këshillit të Këshilltarëve Ekonomik.