Rajoni

Presidenti serb Aleksandër Vuçiq thotë se ‘Perëndimi’ ka një plan të harmonizuar për Kosovën

Çështja e pazgjidhur ndërmjet Kosovës dhe Serbisë, është duke e rënduar e penguar edhe këtë të fundit, në rrugën e integrimit euro-atlantik.

Presidenti i Serbisë, Aleksandar Vuçiq ka deklaruar të enjten që nuk është i rëndësishëm afati kohor i shpalosjes së planit për Kosovën, të cilit ai i është referuar si “Ahtisaari plus, plus, plus”, por se është i sigurt që aleatët perëndimorë do të dalin me një plan të harmonizuar.
“Ju vazhdimisht po shtroni pyetje të cilat nuk janë esenciale, duket sikur po nguteni. Nuk është i rëndësishëm afati kohor. Mund të ndodhë për tre muaj, tri vjet, por një gjë e tillë do të ndodhë dhe aleatët perëndimorë do të dalin me një plan të harmonizuar”, iu ka thënë Vuçiqi gazetarëve, me rastin e hapjes së një hoteli në Beograd.
Duke folur rreth vizitës në SHBA, ai ka thënë se do të luftojë për interesat e Serbisë, duke shtuar se Kosova do të jetë tema dominante, ndonëse pret të flasë edhe për bashkëpunimin ekonomik me SHBA-në, raporton FoNet, transmeton Koha.net.
Sipas tij, Kosova do të jetë temë dominante dhe jo e lehtë, pasi që Serbia dhe SHBA-ja kanë qëndrime të ndryshme rreth kësaj çështjeje.

Leave a Reply

This site uses Akismet to reduce spam. Learn how your comment data is processed.