Kosova

Presidenti kundërthënës, paralajmëron veprime kundër-kushtetuese për procesin e formimit të qeverisë së re

Presidenti Hashim Thaçi ka paralajmëruar veprime kundërkushtetuese, të cilat do t’i ndërmarrë në procesin e formimit të Qeverisë së re, pas mocionit të mosbesimit kundër Qeverisë së Albin Kurtit.

Përpara se të vendosë për mandatarin, ai ka ndërmend të konsultohet me liderët e të gjitha subjekteve, e edhe të angazhohet për qeveri gjithëpërfshirëse, shkruan KOHA.

Qëndrimin e ka bërë të ditur të premten, pas një vizite që e ka bërë në Qendrën e Studentëve në Prishtinë, e shndërruar në karantinë për të kthyerit e fundit nga vendet e ndryshme, si masë për të penguar përhapjen e infektimit me virusin COVID-19, që ka shkaktuar pandemi në të gjithë globin.

“Nga e hëna në mëngjes do t’i ftoj liderët e partive politike, t’i dëgjoj opinionet e tyre dhe të prezantoj edhe kriteret mbizotëruese për themelimin e Qeverisë së re të Kosovës, në mënyrë që të mos ketë vakum institucional”, ka deklaruar presidenti Thaçi.