Kosova

Policia jep detajet për aksidentin tragjik në hyrje të Ferizajt, ku humbi jetën një 43-vjeçar

Policia e Kosovës, përmes një komunikate ka dhënë detajet e aksidentit të sotëm që ka ndodhur në afërsi të udhëkryqit të magjistrales Ferizaj – Gjilan, ku humbi jetën një person dhe tre u lënduan.

Në komunikatën e Policisë nga Rajoni i Ferizajt thuhet se “sot rreth orës  04.25 minuta,  në  “Rr. Rexhep Bislimi”, në afërsi të udhëkryqit të magjistrales Ferizaj – Gjilan, ka ndodhur  një aksident komunikacioni me fatalitet, në të cilin lëndime vdekjeprurëse ka marr, D.F. (43 vjeç), nga Ferizaj, ndërsa janë lënduar edhe tre persona të tjerë”.

Sipas policisë, hetimet e para të hetuesve të Njësitit Rajonal të Trafikut Rrugor nga vendi i ngjarjes, thonë se deri te aksidenti ka ardhur, kur vetura me targa të Republikës së Serbisë, të cilën po e ngiste A.S. (41 vjeç) nga Bujanovci, që po qarkullonte  nga magjistralja Ferizaj-Kaçanik, në tentim të kyçjes në rrugën kryesore, goditet nga vetura e tipit “Audi” me targa vendore, të cilën po e ngiste tashmë i ndjeri, (D.F.).

Me këtë rast, lëndime trupore kanë marr edhe tre persona të tjerë.

Të lënduarit  janë dërguar  në QKUK-Prishtinë dhe sipas mjekut kujdestar, janë jashtë rrezikut për jetë.

Leave a Reply

Your email address will not be published.

This site uses Akismet to reduce spam. Learn how your comment data is processed.