Kombëtare

Policia jep detaje për aksidentin në Klinë ku vdiq një 18-vjeçar

Në magjistralen Pejë – Prishtinë, saktësisht në fshatin Zaim të Klinës, mbrëmjen e së shtunës ka ndodhur një aksident trafiku me fatalitet

Si pasojë e aksidentit të rëndë ndërmjet një veture dhe një motoçiklete, një i ri ka mbetur i vdekur.

Lajmin e ka konfirmuar edhe zyra për informim e rajonit të Pejës. Ata kanë treguar se vimktima është dërguar në emergjencën e spitalit të Pejës, ku edhe ka vdekur. 

“Në këtë aksident janë të përfshira një automjet dhe një motoçiklist. Me këtë rast motoçiklisti pëson lëndime të rënda trupore dhe me ndihmën e autoambulancës dërgohet në Emergjencën e spitalit të Pejës, ku sipas konfirmimit të këtyre të fundit viktima G.Z. i lindur në vitin 2001 ka ndërruar jetë”, ka thënë zëdhënësi i policisë për rajonin e Pejës, Xhevat Ibraj. 

Ibraj ka bërë të ditur se ngasësi i automjetit është arrestuar, për të vazhduar me procedura të mëtejme ligjore./GazetaExpress

Leave a Reply

Your email address will not be published.

This site uses Akismet to reduce spam. Learn how your comment data is processed.