Kombëtare

Podujevë/ Lirohen tri fshatra nga karantina, ja çfarë apeli bën Komuna

Tre fshatra nga komuna e Podujevës janë liruar nga masa e izolimit. Ndërkohë një person aktualisht është zyrtarisht si i infektuar me COVI -19. Gjendja e tij shëndetësore është e mirë.

“Falë kujdesit të treguar dhe respektimit të rekomandimeve e vendimeve të institucioneve qendrore të shëndetësisë, në komunën tonë është hequr masa e karantinës për tri fshatra dhe aktualisht kemi vetëm një preson të infektuar me COVID-19, i cili është në rrugë të mirë të shërimit”, ka shkruar ushtruesi i detyrës së kreut të Podujevës, Nexhmi Rudari.

Tutje, ai ka apeluar tek qytetarët që mos t’i frekuentojnë atraksionet turstike i Batllavën.

“Pavarësisht vendimit për kufizimin e lëvizjes dhe ndalimin e grumbullimit të qytetarëve, ditëve të fundit është vërejtur fluks i theksuar i qytetarëve në parkun e qytetit dhe në liqenin e Batllavës, të cilët nuk kanë respektuar ndalimin e lëvizjes edhe në zonat e kufizuara me shirit nga Policia e Kosovës. Apeloj te qytetarët t’i reduktojnë lëvizjet e tyre dhe të dalin vetëm për kryerjen e shërbimeve dhe nevoja të domosdoshme”, shprehet Rudari.

Sipas tij, në të kundërtën, të gjithë ata të cilët nuk përfillin dispozitat shëndetësore të kufizimit të lëvizjes gjatë pandemisë, do të përballen me gjoba në bazë të Nenit 250 të Kodit Penal, ku parashihet edhe dënimi me burg.

“Qytetarë të dashur, për të shmangur veprimet që bien ndesh me ligjin dhe për të parandaluar rrezikun nga infektimi me virusin COVID-19, Rrini në shtëpi!”.

Leave a Reply

This site uses Akismet to reduce spam. Learn how your comment data is processed.