EKONOMI

Për operatorët ekonomik, sot nuk vlen kufizimi i lëvizjes – thotë MPB

Ministria e Punëve të Brendshme përmes një komunikate për media ka njoftuar se kufizimi i lëvizjes nga ora 10:00 deri në orën 18:00 nuk vlen për punonjësit dhe administratën e operatorëve ekonomik.

Një masë e tillë nuk do të vlejë vetëm për sot (e mërkurë), derisa vendimi i MPB’së do të qartësohet përmes një konference për media ku do të jepen udhëzime se di tëo të rregullohet funksionimi i veprimtarive ekonomike gjatë aplikimit të masave të kufizimit të lëvizjes.

Njoftimi i plotë:

Ministria e Punëve të Brendshme dhe Administratës Publike, njofton të gjithë operatorët ekonomik se sot, e mërkure, me datën 25 mars, nga ora 10:00, deri në ora 18:00, nuk ka kufizim të lëvizjes për punonjësit dhe administratën e operatorëve ekonomik.

Njoftohen të gjithë operatorët ekonomik të fushë veprimtarisë, të cilëve u është e lejuar qarkullimi në bazë të vendimit të Qeverisë me numër: 1/15 të datën 23.03.2020, si dhe me urdhëresë të Ministrisë së Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike(MEPTINIS), të datës 23.03.2020, rreth klasifikimit të veprimtarive ekonomike, sipas kodeve NACE, që sot me datën 25 mars, e mërkure, nga ora 10:00, deri në 18:00 nuk ka kufizim të lëvizjes për punonjësit dhe administratën e këtyre operatorëve.

Sot gjatë ditës Ministria përmes një konference për media do të qartësojë dhe ofrojë udhëzimet se si do të rregullohet funksionimi i veprimtarive ekonomike dhe lëvizjes së punonjësve të tyre gjatë masave të aplikuara.

Leave a Reply

Your email address will not be published.