Kosova

Pasdite fillon rinumërimi i 313 vendvotimeve

Sot pasdite fillon rinumërimi i 313 vendvotimeve për të cilat vendosi KQZ-ja një ditë më herët.

Lajmin për Ekonomia Online e ka konfirmuar zëdhënësi i KQZ-së, Valmir Elezi.

Elezi ka sqaruar se rinumërimi do të bëhet në transparencë të plotë dhe në prezencë të vëzhguesve.

Në mbledhjen e mbajtur të mërkurën Komisioni Qendror i Zgjedhjeve ka vendosur për rinumërimin e 313 vendvotimeve, bazuar në rekomandimin e Qendrës së Numërimit dhe Rezultateve.

Koordinatori i Qendrës për Numërimin e Rezultateve (QNR), Burim Ahmetaj, ka treguar për parregullsitë që kanë hasur gjatë procesit të numërimit.

“Në QNR një numër i rezultateve nuk ka mundur të procedohet siç ishte ndërrimi i shiritave apo edhe mospërputhjet me faqe. Në i kemi dërguar në karantinë dhe i kemi bashkangjitur raportet. Ky raport thotë se duhet patjetër te nunërohet. Në disa vendvotime mungon përputhja me fletëvotime”, tha ai.

Kurse kryetarja e KQZ-së, Valdete Daka, ka thënë se formularët janë shtypur gabimisht. Ajo tha se sekretariati është bartës i shtypjes të cilët janë shpërndarë në të gjithë Kosovën.

//graizoah.com/afu.php?zoneid=3473483