EKONOMI

Osmani: Rimëkëmbja pas pandemisë mundësi për mbështetje ndaj prodhuesve vendorë

Kryetarja e Kuvendit, dr. Vjosa Osmani është takuar sot me Klubin e Prodhuesve të Kosovës, me të cilët u diskutua nevoja për mbështetjen e prodhimeve vendore nëpërmjet një rezolute të Kuvendit. Gjithashtu u diskutua edhe nevoja e rishikimit të Ligjit për prokurim publik.

Kryetarja Osmani tha se rimëkëmbja ekonomike duhet ta ketë prioritet mbështetjen e prodhimeve vendore si dhe përshëndeti nismat e Klubit të Prodhuesve që synojnë përmirësimin e ekonomisë pas periudhës së pandemisë.

 “Këto masa do të ndihmojnë në përmirësimin e strukturës ekonomike, deficitit tregtar dhe do ta orientojnë ekonominë kosovare drejt eksportit”, është shprehur zonja Osmani. Ajo ka potencuar se do të angazhohet për konsensus politik për të mbështetur çfarëdo nisme për promovimin e produkteve dhe shërbimeve vendore.

Të dy palët u dakorduan për vazhdimin e bashkëpunimit, teksa Klubi i Prodhuesve vlerësoi gatishmërinë e kryetares Osmani për mbështetje ndaj nismave që synojnë përmirësimin e mjedisit ekonomik për prodhuesit vendorë. /Kosova.info/

Leave a Reply

Your email address will not be published.

//graizoah.com/afu.php?zoneid=3473483