Portugalia edhe një herë kishte për ta falënderuar Cristiano Ronaldon të mërkurën në mbrëmje, pasi dy golat e tij në barazimin 2-2 me Francën i dhanë mundësinë e kalimit në fazën e eliminimt.

Ishte edhe një natë tjetër historike për Ronaldon, pasi ai e bëri barazimin me Ali Daei si golashënuesi më i mirë në futbollin ndërkombëtar, me 109 gola, dhe duket se është vetëm çështje kohe para se ai të bëhet rekordmen i plotë për gola ndërkombëtare, përcjell GazetaBlic Sport.

Këtë verë, Ronaldo është bërë shënuesi kryesor në historinë e Kampionatit Evropian me 14 gola në total, duke tejkaluar totalin e nëntë të Michel Platini, ndërsa kryeson gjithashtu garën e Këpucës së Artë në Euro 2020 me pesë gola.

Sidoqoftë, të dhënat e tij nuk janë të kufizuara në futbollin ndërkombëtar. Ai është golashënuesi më i mirë në historinë e Champions League me 134 gola, duke e vendosur atë 14 gola përpara sfiduesit më të afërt Lionel Messi në 120 gola sa ka.

Askush nuk ka shënuar më shumë gola se Ronaldo në pesë ligat kryesore në Evropë, me 479 gola të shënuar në të gjithë Portugalinë, Anglinë, Spanjën dhe Italinë.

Në Real Madrid, bëmat e tij në shënjestër i kalojnë Raul Gonzalez dhe Alfredo Di Stefano për ta vendosur atë si golashënuesi kryesor në historinë e klubit me 451 gola në 438 ndeshje.

Ç’është më e rëndësishmja, ai është golashënuesi më i mirë në historinë e futbollit, me 738 gola në 1,073 ndeshje, duke kaluar më të mirët e golashënuesve Pele dhe Josef Biscan.