Kosova

Nis marrja në pyetje e dëshmitarëve për rastin e “Veteranëve”

Ka filluar marrja në pyetje e dëshmitarëve në rastin e “Veteranëve”.

Ka më shumë se dy orë që në pyetje po merret komandanti i FSK-së, Rrahman Rama, por që gjykata ua ka ndaluar mediave që të publikojnë dëshminë e tij deri në përfundim të seancës, raporton KTV.

Kryetarja e trupit gjykues, Nushe Meka, ka thënë se për shkak të ruajtjes së procesit, mediave u ndalohet publikimi i dëshmive derisa të përfundojë seanca.

Pas Ramës, në pyetje do të merren Hysni Gucati dhe Sami Lushtaku, e të cilët një ditë më parë nuk i ishin përgjigjur thirrjes së gjykatës në cilësinë e dëshmitarit.