KULTURË

Nis edicioni i 30 i festivalit “Zambaku i Prizrenit”

Sot u mbajt konferenca e parë zyrtare për shtyp e Festivalit Zambaku i Prizrenit 2019. Këshilli organizativ i festivalit njoftoi të pranishmit për përbërjen e këshillit të emruar nga Kryetari i Komunës, të cilët përfaqësojnë institucionet/organizatat kulturore të qytetit të Prizrenit. Drejtori artistik Besim Berisha shpalosi programin dhe pregaditjet e deritanishme të pjesës artistike të festivalit.

Ai prezantoi gjashtëmbëdhjetë këngët që do të garojnë për çmimet kryesore gjatë natës finale të festivalit, të cilat do të këndohen live nga interpretues të njohur nga disa treva shqiptare. Gjithashtu potencoi që gjithcka është duke shkuar sipas planifikimeve të organizimit si dhe potencoi që këngëtarët dhe orkestri me shumë entuziazëm presin të fillojnë provat për mbrëmjen e Zambakut.

Në natën finale të festivalit që do të mbahet më 29 qershor 2019 në bahçen e Kino Lumbardhit në Prizren, ku do të ndahen gjithsej katër çmime. Juria Profesionale për shpalljen e këngëve fituse do të bëj përzgjedhjen e tri këngëve më të mira të festivalit: vendi i parë (trofeu Mikrofoni i Artë), vendi i dytë dhe vendi i tretë. Publiku prezent në sallë do të përzgjedhin këngën më të mirë të publikut (trofeu Zambaku i Argjentë). Trofeu Mikrofoni i Artë do t’i takojë këngëtares/it të këngës fituese të festivalit nga juria profesionale, trofeu Zambaku i Argjentë do t’i takojë kompozitorit të këngës më të mirë të publikut, ndërsa shpërmbilet tjera do të ndahen në mënyrë të barabartë mes kompozitorëve dhe interpretuesve përkatës të këngëve.

Këngët e përzgjedhura për të qenë pjesë e garës zyrtare të festivalit janë:

KëngaAutoriTekstiOrkestrimiKëndon
NostalgjiMysafer QafleshiMysafer QafleshiVisar KuqiSedat Kuqi
Lule luleNexhat MaculaShkodran TolajRiza DolakuBesiana Mehmeti & Shkodran Tolaj
Këtë natëGazmend KrajaLindita HaliliGazmend KrajaArtemisa Mithi
Dashuri pa fundArtan BakiaArtan BakiaArtan BakiaEmi & Artan Bakija
Do të çmendAdrian HilaRovena DiloAdrian HilaRovena Dilo
Ura e dashurisëVeton PerolliMusa BushraniEdon RamadaniElizabeta Krasniqi &Ilir Baxhaku
Të gjejë në zemërArijeta DaciArijeta DaciHysni KlinakuQëndresa Bunjaku &Altruis Morina
Vallëzim lamtumireArben SkenderiDenata ToçeKristi BelloKlea Kasemi
Ndarjen nuk e duaKujtim GërmizajKujtim GërmizajAli BabayunusBesnik Nurkollari
Jo mos thuaj joNexhat RexhaNexhat RexhaNexhat RexhaOrjeta Kelaj
Te Marashi po të presArbër KrasniqiShaban KrasniqiArbër KrasniqiShaban Krasniqi
O geceHuseyin KazazBekir YavuzAli BabayunusEren Karaibo
Kënga që s’mbaronValton BeqiriFatmir MujaValton BeqiriMajlinda Cikaqi
Ditë e reBojken LakoAndi Lazaj & Bojken LakoBojken LakoOrgesa Zaimi
Ty PrizrenShefqet HoxhaShefqet HoxhaShefqet HoxhaUrim Salihu
16.          Një lulesOleg GjergaLindita HaliliGazmend KrajaLaurjan Ejlli

Ky edicion i festivalit realizohet nga Këshilli Organizativ i festivalit nën patronatin e Kuvendit Komunal të Prizrenit, dhe synon t’a ngris kualitetin artistik të munguar kohëve të fundit. Ditëve në vijim do të publikohen detaje të reja rreth organizimit të festivalit. Për më shumë info, mund të shihni faqen zyrtare të festivalit në Facebook (Zambaku i Prizrenit).

Festivali i këngës së lehtë “Zambaku i Prizrenit” është themeluar në vitin 1986 nga institucionet e atëhershme kulturore të Kosovës, si ngjarje e vetme kulturore që kultivon zhanrin e muzikës qytetare, si baladat, shansonet e serenatat. Gjatë viteve të 90-a, me shkatërrimin e institucioneve kulturore dhe produksionit muzikor të RTP-së, përgjegjësinë për ruajtjen e traditës e merr SHKA “Agimi”, e cila arrin që këtë festival ta bart në vitet e pasluftës, prej kur komuna e Prizrenit merr përsipër menaxhimin e tij. Festivali i këngës qytetare “Zambaku i Prizrenit” mbahet për çdo vit në fund të qershorit/fillim të korrikut, dhe në të interpretohen këngë në gjuhën shqipe, turke e boshnjake. Zambaku i Prizrenit përveç karakterit reprezentativ, çdo vit është shquar edhe me kultivimin e artistëve dhe këngëve të reja të cilat kanë lënë gjurmë të pashlyeshme në repertoarin e muzikës qytetare, duke afirmuar personalitete të njohura të muzikës si këngëtarë, kompozitorë, poetë, instrumentistë etj, të cilët i kanë begatuar vlerat e mirëfillta muzikore të vendit tonë. /Kosova.info/

//graizoah.com/afu.php?zoneid=3473483