Kosova

Nesër mblidhet Kryesia e Kuvendit, në rend të ditës janë pikat e papërfunduara në seancat e kaluara

Kuvendi i Kosovës ka njoftuar se të hënën do të ketë mbledhje të Kryesisë së Kuvendit.

Në njoftimin drejtuar mediave thuhet se rend të ditës janë miratimi i procesverbaleve nga mbledhjet e kaluara të Kryesisë, pikat e papërfunduara nga seancat e mëhershme plenare, ndër to votimi i Projektligjit për Mbrojtjen e Vlerave të Luftës së UÇK-së, dhe votimi i propozim-rezolutës për dialogun Kosovë-Serbi.

Përpos pikave të shumta që kanë mbetur nga seancat e kaluara plenare, Kuvendi njofton se do të ketë përgatitje për Seancë të re plenare, ku përfshihen deklarimet jashtë rendit të ditës, pyetjet parlamentare, miratimi i procesverbaleve nga seancat e mëparshme e të tjerë.