Kosova

Në veriun e Mitrovicës identifikohen edhe dy të infektuar

Në veri të Mitrovicës janë konfirmuar edhe dy raste të reja me COVID-19, shkruan Radio KontaktPlus.

Lajmi e ka konfirmuar epidemiologu Aleksander Antonijeviq, duke potencuar se bëhet fjalë për dy meshkuj të cilët jetojnë në pjesën veriore të Mitrovicës.

Ai ka treguar se nga 28 mostrat që i kanë dërguar dje për analizë, vetëm dy prej tyre kanë rezultuar pozitiv me COVID-19, duke e çuar numrin e të infektuarve në veriun e Mitrovicës në 22.

Ai ka thënë se tashmë numri i testimeve po rritet, derisa ka bërë thirrje tek qytetarët që të mos hezitojnë dhe të paraqesin rastet nëse kanë simptoma apo dyshojnë për infektim me COVID-19.

Deri më tani numri total i të infektuarve në pjesën veriore të Kosovës ka shkuar në 39, një prej të cilëve edhe ka vdekur.

22 janë në veriun e Mitrovicës, 10 në Zveçan, në Leposaviç 4 (njëri ka vdekur) dhe 3 në Zubin Potok. /Express/