Kosova

Në Munih, Kurti takoi djalin e Alexandër Soros-it

Albin Kurti, Kryeministër i Republikës së Kosovës, gjatë Konferencës së Sigurisë në Munih është takuar edhe me filantropistin Alexander Soros, djalin e George Soros.

Ishte vetë Sorosi ai që ka publikuar një fotografi me Kurtin duke thënë se kishte një takim të shkëlqyer me të parin e ekzekutivit kosovar, njofton Klan Kosova.

“Takim i shkëlqyer me Kryeministrin e ri të Kosovës, Albin Kurti. #MSC2020”, ka shkruar ai.

Alexander Soros është nënkryetari i Fondacioneve të Shoqërisë së Hapur dhe një nga Drejtuesit e Rinj Global të Forumit Ekonomik Botëror të vitit 2018.

Ndërkaq, babai i tij George Soros është pronari i fondacionit “Shoqëri e Hapur” që promovon politikat liberale e demokratike në vendet me demokraci të re, por akuzohet nga kritikët se me anë të ndërhyrjeve të tij merr kontrollin e politikës për qëllime të tjera të padeklaruara.

Ai është i akuzuar nga qeveria aktuale e Donald Trump në Shtetet e Bashkuara të Amerikës, për ndikim pro-demokrat.